ქვემო სობისში გზის სარეაბილიტაციო სამუშაოები გრძელდება. ამის შესახებ ინფორმაციას გორის მერია ავრცელებს.

მათივე ცნობით, სარეაბილიტაციო მონაკვეთი ცენტრალური მაგისტრალიდან იწყება და ზემო სობისამდე გრძელდება. მისი სიგრძე კი 6 633 მეტრია.

„პროექტის ფარგლებში ასფალტი იგება ტრანსპორტის სავალ ნაწილზე, ეზოებში შესასვლელებში და გზის მიერთებებზე. მიმდინარეობს ასევე სანიაღვრე სისტემის მოწყობა, რომელიც ამ დრომდე გზის აღნიშნულ მონაკვეთზე არ არსებობდა.

პროექტის ღირებულება 3 887 000 ლარია.

წლების განმავლობაში დაზიანებული გზის საფარის გამო გადაადგილება უჭირდათ როგორც სატრანსპორტო საშუალებებს, ასევე ქვეითებს.

პროექტი გარდამავალია და მომავალ წელს დასრულდება“, - აღნიშნულია ინფორმაციაში.