ისრაელის თავდაცვის ძალები პალესტინელებს ჩრდილოეთ ღაზას სექტორის საღამოს 8 საათამდე დატოვებისკენ მოუწოდებს. ამის შესახებ განცხადებას ისრაელის თავდაცვის ძალების სპიკერი ავიჩაი ადრაი „ტვიტერის” პირად გვერდზე ავრცელებს.

„თუ საკუთარ თავსა და თქვენს ახლობლებზე ზრუნავთ, ჩვენი ინსტრუქციების მიხედვით სამხრეთით უნდა გაემართოთ. დარწმუნებული იყავით, რომ რეგიონში დარტყმების მომზადების ფონზე „ჰამასის“ ლიდერები მხოლოდ საკუთარი თავის დაცვაზე ზრუნავენ“, - წერს ადრაი.

ცნობისთვის, თავდაპირველად ისრაელის თავდაცვის ძალებმა პალესტინელებს პარასკევს შუაღამეს შეატყობინეს, რომ 24 საათი აქვთ ვადა ღაზას სამხრეთით ევაკუაციისთვის.