ისრაელის თავდაცვის ძალები - დიდი ძალებით შეტევას ვაპირებთ - განვიხილავთ გეგმებს და ომის შემდეგი ეტაპებისთვის მტკიცედ ვართ მომზადებულები
ჩვენ დიდი ძალებით შეტევას ვაპირებთ, - ამის შესახებ ისრაელის თავდაცვის ძალების პრესსპიკერმა, დანიელ ჰაგარიმ განაცხადა.
დანიელ ჰაგარის განცხადებით, ისრაელის თავდაცვის ძალები ღაზას სექტორში თავდასხმების ახალი ეტაპებისთვის ემზადება და მან პალესტინელებს ევაკუაციისკენ მოუწოდა.
„ჩვენ ვამზადებთ სამხედრო ძალებს, განვიხილავთ გეგმებს და ომის შემდეგი ეტაპებისთვის მტკიცედ ვართ მომზადებულები“, - განაცხადა ჰაგარიმ პრესკონფერენციაზე.
ჰაგარიმ აღნიშნა, რომ „ჰამასი“ ზეწოლის ქვეშ არის და ცდილობს ხელი შეუშალოს პალესტინელი მშვიდობიანი მოსახლეობის ევაკუაციას, „რადგან ორგანიზაციის ლიდერები მათ ზურგს უკან იმალებიან“.
