ჯეიკ სალივანის განცხადებით, არსებობს რისკი, რომ ისრაელ-„ჰამასის“ ომი უფრო ფართო კონფლიქტში გადაიზარდოს
ეროვნული უსაფრთხოების საკითხებში აშშ-ის პრეზიდენტის მრჩევლის, ჯეიკ სალივანის განცხადებით, ახლო აღმოსავლეთში უფრო ფართო რეგიონული კონფლიქტის რისკი არსებობს, - ინფორმაციას CNN-ი ავრცელებს.
„არსებობს ამ კონფლიქტის ესკალაციის რისკი, მეორე ფრონტის გახსნა ჩრდილოეთში და, რა თქმა უნდა, ირანის ჩართულობის - ეს არის რისკი. სწორედ ამიტომ მოქმედებს პრეზიდენტი ასე სწრაფად და გადამწყვეტად, რომ ხმელთაშუა ზღვის აღმოსავლეთით ავიამზიდი შეიყვანოს, სპარსეთის ყურეში - თვითმფრინავები, რადგან მას სურს შეკავების ძალიან მკაფიო გზავნილი გაუგზავნოს ნებისმიერ სახელმწიფოს ან ნებისმიერ აქტორს, რომელიც შეეცდება ამ სიტუაციის გამოყენებას“, - აღნიშნა სალივანმა.
ისრაელი დიდი ხანია ადანაშაულებს ირანს მარიონეტულ ომში ჩართვაში იმ ჯგუფების მხარდაჭერის გზით, მათ შორის „ჰამასის“, რომლებიც მის სანაპიროებზე შეტევას ახორციელებენ. ირანი 7 ოქტომბრის თავდასხმაში რაიმე სახის მონაწილეობას უარყოფს. აშშ-ის პრეზიდენტმა, ჯო ბაიდენმა კვირას განაცხადა, რომ არ არსებობს მკაფიო მტკიცებულება იმის შესახებ, რომ ირანი თავდასხმის უკან ირანი დგას.
v-if="article.gallery" v-html="article.gallery"
