ირაკლი ქადაგიშვილი - პრეზიდენტის იმპიჩმენტის საკითხზე საკონსტიტუციო სასამართლოს გადაწყვეტილება, პირველ რიგში, მნიშვნელოვანია იმისთვის, რომ კონსტიტუციამ მედეგობა შეინარჩუნოს

პრეზიდენტის იმპიჩმენტის საკითხზე საკონსტიტუციო სასამართლოს გადაწყვეტილება, პირველ რიგში, მნიშვნელოვანია იმისთვის, რომ საქართველოს კონსტიტუციამ მედეგობა შეინარჩუნოს, - ამის შესახებ ჟურნალისტებს „ქართული ოცნების“ დეპუტატმა ირაკლი ქადაგიშვილმა განუცხადა.

ამასთან, როგორც ქადაგიშვილი ირწმუნება, პრეზიდენტის თანამდებობიდან გადაყენების მხარდაჭერის საკითხზე მმართველ გუნდს არც ერთ საპარლამენტო ჯგუფთან მოლაპარაკება არ გაუმართავს და ამ თემაზე მოლაპარაკებებს არ აპირებს.

„საკონსტიტუციო სასამართლოს მიერ მიღებული გადაწყვეტილებით, საქართველოს კონსტიტუციაში ასახული წესი და სულისკვეთება უნდა იყოს კიდევ ერთხელ განმტკიცებული, რათა შემდგომში არც ერთ თანამდებობის პირს კონსტიტუციის ისეთი ინტერპრეტაციის შესაძლებლობა არ მიეცეს, როგორიც მის პოლიტიკურ მოსაზრებებს აწყობს და ამან ქვეყანაში ისეთი სახელისუფლო შტოები არ წარმოქმნას, რომლებიც კონსტიტუციის მოქმედების ფარგლებიდან იქნებიან გასული.

როცა საკონსტიტუციო სასამართლო გადაწყვეტილებას მიიღებს, პროცედურის გათვალისწინებით, ოქტომბრის ბოლოს საკითხი პარლამენტში კენჭისყრაზე დადგება. კენჭისყრის თაობაზე კონსულტაციებს არავისთან ვაპირებთ - ყველა პოლიტიკურმა პარტიამ იმ პასუხისმგებლობით უნდა იმოქმედოს, რა პასუხისმგებლობითაც ისინი კონსტიტუციას უდგებიან. ეს არის მათი პასუხისმგებლობა და დამატებით კონსულტაციებს ჩვენ არ ვაპირებთ“, - განაცხადა ირაკლი ქადაგიშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე