ვლადიმერ პუტინი დღეს ისრაელის, ეგვიპტისა და პალესტინის ლიდერებს გაესაუბრება , - ამის შესახებ ინფორმაციას რუსეთის პრეზიდენტის მრჩეველი საგარეო პოლიტიკის საკითხებში, იური უშაკოვი ავრცელებს.

უშაკოვის განცხადებით, რუსეთის პრეზიდენტი უკვე ესაუბრა სირიის პრეზიდენტ, ბაშარ ალ-ასადს.

პუტინმა და ასადმა, სატელეფონო საუბრისას „ღაზას დაბომბვის შეწყვეტა და მისი მოსახლეობის იძულებით გადაადგილების შეჩერება მოითხოვეს“.

მედიის ინფორმაციით, ეს იქნება პირველი შემთხვევა, როდესაც ვლადიმერ პუტინი, 7 ოქტომბრის „ჰამასის“ თავდასხმის შემდეგ, ისრაელის ხელმძღვანელობასთან საუბარს გამართავს.