ისრაელი „ღირებულებებისთვის“ ომს მოიგებს, - ამის შესახებ ისრაელის თავდაცვის მინისტრმა, იოავ გალანტმა აშშ-ის სახელმწიფო მდივანთან, ენტონი ბლინკენთან შეხვედრისას განაცხადა.

„ეს იქნება ხანგრძლივი ომი, საფასური მაღალი იქნება, მაგრამ ჩვენ ვაპირებთ გავიმარჯვოთ ისრაელისთვის, ებრაელი ხალხისთვის და იმ ღირებულებებისთვის, რომლებისაც ორივე ქვეყანას სჯერა“, - განუცხადა გალანტმა ჟურნალისტებს.

თელ-ავივში გალანტთან საუბრისას ბლინკენმა კიდევ ერთხელ აღნიშნა, რომ ისრაელს „ყოველთვის ექნება ამერიკის შეერთებული შტატების მხარდაჭერა“.

ბლინკენი ისრაელიდან აშშ-ში უნდა დაბრუნებულიყო, თუმცა გეგმები შეიცვალა და ახლა იგი ამანში, იორდანიის დედაქალაში გაემგზავრება.