18 ოქტომბერს, 09:00 საათზე, სასტუმრო „ქორთიარდ მერიოტში“ აზია-წყნარი ოკეანის ქვეყნების საერთაშორისო კონფერენცია გაიმართება, რომელიც ეძღვნება საჯარო შესყიდვების თემატიკას.

სახელმწიფო შესყიდვების სააგენტოს ინფორმაციით, მსოფლიოში აღიარებული ექსპერტები იმსჯელებენ საჯარო შესყიდვებში ახალი ნოვაციებისა და მიდგომების განვითარების თაობაზე, გარდა ამისა მოწინავე ქვეყნების, ასევე საერთაშორისო საფინანსო ინსტიტუტების გამოცდილებას გაუზიარებენ ერთმანეთს.

„ღონისძიებას დაესწრებიან დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი, სახელმწიფო შესყიდვების სააგენტოს თავმჯდომარე ლევან რაზმაძე, ასევე აზიის განვითარების ბანკის, მსოფლიო ბანკის, ევროპის რეკონსტრუქციის და განვითარების ბანკის და მრავალი სხვა საერთაშორისო ორგანიზაციის წამყვანი ექსპერტები“, - ნათქვამია ინფორმაციაში.