აშშ-ის პრეზიდენტი, ჯო ბაიდენი ახლო აღმოსავლეთში ვიზიტის ფარგლებში ისრაელის, იორდანიის, ეგვიპტისა და პალესტინის ლიდერებს შეხვდება.

ამის შესახებ ინფორმაციას Reuters-ი ავრცელებს.

ბაიდენი ხვალ თელ-ავივში ჩავა და ისრაელის პრემიერ-მინისტრ ბენიამინ ნეთანიაჰუსა და სხვა ოფიციალურ პირებთან მოლაპარაკებებს გამართავს. ამის შემდეგ ის, სავარაუდოდ, იორდანიის დედაქალაქ ამანს ეწვევა, სადაც მეფე აბდულა II-ს, ეგვიპტის პრეზიდენტ აბდელ ფატაჰ ელ-სისის და პალესტინის პრეზიდენტ მაჰმუდ აბასს შეხვდება.

ცნობისათვის, დღეს, გერმანიის კანცლერ ოლაფ შოლცთან შეხვედრის შემდეგ იორდანიის მეფემ განაცხადა, რომ პალესტინის მოსახლეობის ეგვიპტესა და იორდანიაში ლტოლვილებად გადასახლება არ უნდა მოხდეს და რომ ეს საკითხი მისი სამეფოსთვის წითელი ხაზია.