პრეზიდენტის იმპიჩმენტი არის "ქართული ოცნების" ხელით რუსული გეგმის განხორციელება - კენჭისყრაში მონაწილეობას არ მივიღებთ, - ამის შესახებ "ლელოს" დეპუტატმა ანა ნაცვლიშვილმა განაცხადა.
ნაცვლიშვილი აღნიშნავს, რომ იმპიჩმენტის პროცედურა საკმაოდ ბუნდოვანი ჩანს.
„პრეზიდენტის იმპიჩმენტი, რომელიც წამოიწყეს პრეზიდენტის მიერ ევროპული გზის ადვოკატირების საწინააღმდეგოდ, არის „ქართული ოცნების" ხელით რუსული გეგმის განხორციელება, რათა ქვეყანამ ვერ მიიღოს სტატუსი. კენჭისყრის პროცესში ჩვენ გავითვალისწინებთ პრეზიდენტის თხოვნას, რაც შეეხება მანამდე პროცედურას, ჯერჯერობით საკმაოდ ბუნდოვანი და გაუგებარია. ვფიქრობ, ეს უნდა ყოფილიყო სხვაგვარად დაგეგმილი პროცესი და სხდომა. ვნახოთ როგორ განვითარდება მოვლენები, შევხედავთ, რაც შეეხება კენჭისყრას, გავითვალისწინებთ პრეზიდენტის თხოვნას,"- განაცხადა ნაცვლიშვილმა.
