ეროვნულ ბიბლიოთეკაში ახალი სამკითხველო გაიხსნა
ეროვნულ ბიბლიოთეკასა და მასტერქარდს შორის დადებული მემორანდუმის ფარგლებში, ეროვნული ბიბლიოთეკის მესამე კორპუსში მდებარე „ლიბერთიდარბაზში“ თანამედროვე ტიპის სამკითხველო გაიხსნა.
ამის შესახებ ინფორმაციას საქართველოს ეროვნული ბიბლიოთეკა ავრცელებს.
მათივე ცნობით, ეროვნული ბიბლიოთეკის თანამშრომლის, თენგიზ მოდუს დიზაინით შექმნილ სამკითხველოში ძირითადად ბიბლიოთეკის უახლესი გამოცემები და ფინანსური ლიტერატურაა განთავსებული.
ეროვნული ბიბლიოთეკის დირექტორის გიორგი კეკელიძის განცხადებით, მსგავსი სამკითხველოების გახსნა რეგიონებშიც იგეგმება.
„მსოფლიო ბრენდ Mastercard - თან თანამშრომლობის პირველი შედეგი: ეროვნულ ბიბლიოთეკაში ახალგაზრდული სამკითხველო გავხსენით. თანამშრომლობა გრძელდება. მსგავსი სამკითხველოების გახსნა რეგიონებშიც იგეგმება“, - განაცხადა გიორგი კეკელიძემ.
v-if="article.gallery" v-html="article.gallery"
