ბენიამინ ნეთანიაჰუ - ბაიდენთან შეთანხმებული სამხედრო დახმარების „მასიური, უპრეცედენტო პაკეტი“ „ჰამასთან“ ომის მოგებაში დაგვეხმარება
ბაიდენთან შეთანხმებული სამხედრო დახმარების „მასიური, უპრეცედენტო პაკეტი“ „ჰამასთან“ ომის მოგებაში დაგვეხმარება, - ამის შესახებ ისრაელის პრემიერ-მინისტრმა ბენიამინ ნეთანიაჰუმ ვიდეომიმართვაში განაცხადა.
ნეთანიაჰუს თქმით, მან აშშ-ის პრეზიდენტ ჯო ბაიდენს ჯერ კიდევ ისრაელში ჩამოსვლამდე აჩვენა მტკიცებულება, რომ ქალაქ ღაზაში საავადმყოფოს აფეთქების უკან პალესტინური ტერორისტული დაჯგუფება „ისლამური ჯიჰადი“ დგას.
მან ასევე აღნიშნა, რომ ისრაელი „ყველა გზით“ იმუშავებს, რათა ტყვეების გათავისუფლება უზრუნველყოს.
ნეთანიაჰუს თქმით, მან ბაიდენს უთხრა, რომ წითელ ჯვარს ტყვეები მონახულების საშუალება უნდა მიეცეს და ისრაელი ღაზაში ჰუმანიტარულ დახმარებას თავისი ტერიტორიიდან შესვლის საშუალებას არ მისცემს მანამდე, სანამ ტყვეები არ გათავისუფლდებიან.
