ისრაელის თავდაცვის ძალების განცხადებით, ღაზაში, ბოლო 24 საათის განმავლობაში, ასობით ობიექტს დაარტყეს.

თავდაცვის ძალებში განმარტავენ, რომ მათი სამიზნე „ჰამასის“ ინფრასტრუქტურაა და ბოლო დღე-ღამის განმავლობაში განადგურებულ ობიექტებს შორის არიან ტანკსაწინააღმდეგო რაკეტების გაშვების ადგილები, გვირაბები და შტაბ-ბინები.

ისრაელის თავდაცვის ძალებში ასევე აცხადებენ, რომ „სახალხო წინააღმდეგობის კომიტეტების“ სამხედრო ფრთის ხელმძღვანელის, რაფატ აბუ ჰილალის ლიკვიდაცია განხორციელდა. აღნიშნული ორგანიზაცია სიდიდით მესამე შეიარაღებული დაჯგუფებაა ღაზაში „ჰამასისს“ და პალესტინის „ისლამური ჯიჰადის“ შემდეგ.