ოლაფ შოლცი - „ჰამასმა“ მძევლები ყოველგვარი წინაპირობის გარეშე უნდა გაათავისუფლოს
გერმანია მტკიცედ დგას ისრაელის მხარეს ამ რთულ დროს, - ამის შესახებ გერმანიის კანცლერმა, ოლაფ შოლცმა განაცხადა.
ამასთან, მან ხაზი გაუსვა ღაზას სექტორის მშვიდობიანი მოსახლეობისთვის ჰუმანიტარული დახმარების გაწევის აუცილებლობას და აღნიშნა, რომ აუცილებელია „ჰამასისა“ და პალესტინელი ხალხის ერთმანეთისგან განსხვავება.
გერმანიის კანცლერის თქმით, შოკირებულია ტერორისტების მიერ მძევლად აყვანილი ადამიანების ნათესავებთან შეხვედრებით და „ჰამასმა“ მძევლები უპირობოდ უნდა გაათავისუფლოს.
„ჩვენ ყველას გვაქვს მნიშვნელოვანი ამოცანა: გავათავისუფლოთ გატაცებული მძევლები. ისინი უნდა გაათავისუფლონ ყოველგვარი წინაპირობების გარეშე", - განაცხადა შოლცმა გერმანიის პარლამენტში სიტყვით გამოსვლისას.
ამასთან, მან დაჯგუფება „ჰეზბოლა“ და მისი მხარდამჭერი ირანი გააფრთხილა, რომ ისრაელთან სამხედრო კონფლიქტში არ ჩაერთონ.
„ყველაფერი უნდა გაკეთდეს იმისათვის, რომ ახლო აღმოსავლეთში კონფლიქტის ესკალაცია არ მოხდეს. ევროკავშირის ყველა ქვეყანა მკაფიო პოზიციას იკავებს ისრაელის მხარდაჭერის საკითხთან დაკავშირებით და ეს არ შეიცვლება,“- აღნიშნა შოლცმა.
