აშშ-ის პრეზიდენტი, ჯო ბაიდენი დღეს ვაშინგტონში ევროკომისიის პრეზიდენტს, ურსულა ფონ დერ ლაიენსა და ევროპული საბჭოს პრეზიდენტს, შარლ მიშელს უმასპინძლებს.

ევროპული საბჭოს ვებგვერდზე გამოქვეყნებული ინფორმაციის თანახმად, ევროკავშირი-აშშ-ის 27-ე სამიტი ტრანსატლანტიკური პარტნიორობისა და ამ პარტნიორობის ფარგლებში თანამშრომლობის სფეროების განხილვის შესაძლებლობას იძლევა.

Bloomberg-ი წერს, რომ სამიტის მთავარი თემა, სავარაუდოდ, ისრაელ-„ჰამასის“ ომი იქნება, თუმცა მოკავშირეები ასევე გეგმავენ დაადასტურონ უკრაინის მიმართ მხარდაჭერა და გააერთიანონ სტრატეგიები ჩინეთთან ურთიერთობასთან დაკავშირებით.