ბათუმში, მე-3 სასჯელაღსრულების დაწესებულებასთან აქცია გაიმართა
„ქართულ ციხეში აღდგეს საზოგადოებრივი კონტროლი“ - ამის შესახებ ბათუმში, სასჯელაღსრულების #3 დაწესებულებასთან მოქალაქეები შეიკრიბნენ და საპროტესტო აქცია გამართეს.
მათი თქმით, სასჯელაღსრულების ყველა დაწესებულებში პატიმრების მიმართ არასათანადო მოპყრობის შემთხვევები მატულობს. შეკრებილების თქმით, პატიმრები სათანადო სამედიცინო მომსახურებას ვერ იღებენ.
“აღდგეს საზოგადოებრივი კონტროლი ქართულ ციხეებში, ეს ჯგუფი ყველა ციხეში ადმინისტრაციის გაუფრთხილებლად შევა და კონტროლს განახორციელებს”, - აღნიშნა აქციის მონაწილე თამაზ ბაკურიძემ.
