დეპუტატ ხატია დეკანოიძის განცხადებით, სუს-ის ხელმძღვანელის მიერ პარლამენტის დახურულ სხდომაზე გასაჯაროებული ინფორმაცია, მოსალოდნელი გადატრიალებისა და სახელმწიფოს წინააღმდეგ რაიმეს მზადების კონტექსტში განხილვის საფუძველს არ იძლევა.

როგორც დეკანოიძემ აღნიშნა, ამავე თემაზე სუს-ს შვიდი საქმე აქვს დაწყებული, თუმცა მათგან არც ერთი შედეგით არ დასრულებულა.

დეკანოიძის თქმით, პრეზიდენტმა ძალიან სწორი გადაწყვეტილება მიიღო, როცა „შეკრებებისა და მანიფესტაციების შესახებ კანონში“ შეტანილ ცვლილებებს ხელი არ მოაწერა და ვეტო დაადო.

„ვეტოს დადება იმ კანონებზე, რომელიც წინააღმდეგობაშია ევროკავშირის და ზოგადად, თავისუფლების ღირებულებებთან, ძალიან მნიშვნელოვანია. პრეზიდენტმა საჯაროდ განაცხადა, რომ ვეტოს უფლებას გამოიყენებდა ნებისმიერ კანონთან დაკავშირებით, რომელიც საქართველოს ევროინტეგრაციის გზაზე ხელს შეუშლის და კანდიდატის სტატუსის მისაღებად დაბრკოლებას შექმნის. ნებისმიერი ასეთი გადაწყვეტილება ასეთ კანონებზე არის სწორი“, - განუცხადა ჟურნალისტებს „ევროოპტიმისტების“ დეპუტატმა ხატია დეკანოიძემ.