ბორჯომის მუნიციპალიტეტის მერიისა და სსიპ „ბაკურიანის განვითარების სააგენტოს“ გადაწყვეტილებით, 25 ოქტომბრიდან ბაკურიანი - ანდეზიტი - ციხისჯვრის მიმართულებით საზოგადოებრივი ტრანსპორტი ახალი მარშრუტით იმოძრავებს. მგზავრობის ღირებულება 1 (ერთი) ლარი იქნება.
ავტობუსის განრიგი:
ორშაბათი - პარასკევი
ბაკურიანი - ანდეზიტი - ციხისჯვარი - 15:00 საათი
ციხისჯვარი - ანდეზიტი - ბაკურიანი - 15:30 საათი
ბაკურიანი - ანდეზიტი - ციხისჯვარი - 18:15 საათი
ციხისჯვარი - ანდეზიტი - ბაკურიანი - 18:30 საათი
შაბათი - კვირა
ბაკურიანი - ანდეზიტი - ციხისჯვარი - 18:15 საათი
ციხისჯვარი - ანდეზიტი - ბაკურიანი - 18:30 საათი
ბაკურიანის საზოგადოებრივ ტრანსპორტში მგზავრობის საფასურის გადახდა ბარათით იქნება შესაძლებელი. გადახდისას შეგიძლიათ გამოიყენოთ, როგორც თიბისის ნებისმიერი საკრედიტო/სადებეტო ბარათი, ისე სატრანსპორტო ბარათი. სატრანსპორტო ბარათის აღება შესაძლებელია თიბისის ბორჯომის ფილიალში (მის: ქ.ბორჯომი რუსთაველის 121), ასევე დაბა ბაკურიანში (მის: აღმაშენებლის N18) მდებარე მაღაზიის სალაროდან. სატრანსპორტო ბარათის ღირებულება შეადგენს 2 ლარს და მისი შევსება შესაძლებელია თიბისი ფეის სწრაფი გადახდის აპარატებიდან, რომლებსაც აქვს ბარათის წამკითხველი.
