ცეცხლის შეწყვეტა ახლა მხოლოდ „ჰამასს“ არგებს, - ამის შესახებ თეთრი სახლის ეროვნული უსაფრთხოების საბჭოს სპიკერმა ჯონ კირბიმ ბრიფინგზე განაცხადა.
ამავდროულად, კირბიმ „ჰუმანიტარული პაუზების” შესაძლებლობის შესახებ ისაუბრა.
მისი თქმით, „ჰუმანიტარული პაუზები ინსტრუმენტებია… დროის გარკვეული პერიოდებისთვის, ეს იგივე არაა, რაც ცეცხლის შეწყვეტა”.
ცნობისთვის, აქამდე აშშ-ის სახელმწიფო მდივანმა ენტონი ბლინკენმა ღაზას სექტორში სამოქალაქო მოსახლეობის უკეთ დასაცავად საერთაშორისო საზოგადოებას „ჰუმანიტარული პაუზების” შესაძლებლობის განხილვა შესთავაზა.
ორშაბათს კი, სახელმწიფო დეპარტამენტის სპიკერმა მეთიუ მილერმა აღნიშნა, რომ „ჰამასის“ წინააღმდეგ დარტყმების შეწყვეტა ტერორისტულ ორგანიზაციას გადაჯგუფების შესაძლებლობას მისცემს.
