„ჰეზბოლას“ ლიდერმა „ისლამური ჯიჰადისა“ და „ჰამასის“ ხელმძღვანელობასთან შეხვედრა გამართა, - ამის შესახებ ინფორმაციას „ჰეზბოლა“ ავრცელებს.
ბეირუთში, „ჰეზბოლას“ ლიდერი ჰასან ნასრალა „ისლამური ჯიჰადის“ ხელმძღვანელს ზიად ნახალეს და „ჰამასის“ პოლიტიკური ბიუროს ხელმძღვანელის მოადგილეს სალეჰ ალ-არურის შეხვდა.
„ჰეზბოლას“ განცხადების თანახმად, მხარეებმა ღაზას სექტორში მიმდინარე მოვლენები განიხილეს, მათ შორის ისრაელისა და ლიბანის საზღვარზე მიმდინარე შეტაკებები. შეთანხმდნენ, რომ გააგრძელებენ კოორდინაციას და მოვლენებს რეგულარულად დააკვირდებიან.
