ისრაელის თავდაცვის ძალების პრესსპიკერი - ირანი თავდასხმამდე „ჰამასს“ უშუალოდ ეხმარებოდა

ირანი თავდასხმამდე „ჰამასს“ უშუალოდ ეხმარებოდა, - ამის შესახებ ისრაელის თავდაცვის ძალების პრესსპიკერი, დანიელ ჰაგარი აცხადებს.

„ირანი ომამდე „ჰამასს“ სამხედრო წვრთნებით, იარაღით, ფულით და ტექნოლოგიებით უშუალოდ ეხმარებოდა“, - განაცხადა ჰაგარიმ პრესკონფერენციაზე.

„ირანი ახლაც აგრძელებს „ჰამასის“ დახმარებას სადაზვერვო ინფორმაციით და ინტერნეტში ისრაელის წინააღმდეგ აგრესიის წაქეზებით“, - დაამატა მან.

პრესკონფერენციის დასასრულს, ჰაგარიმ ჩრდილოეთ ღაზას მოსახლეობას მოუწოდა, რომ სამხრეთისკენ გადაადგილდნენ.