გორში ლომონოსოვის ქუჩის რეაბილიტაცია მიმდინარეობს, - ამის შესახებ ინფორმაციას გორის მერია ავრცელებს.

მათივე ცნობით, ამ ეტაპზე გზის საფარის მოწყობის სამუშოები ხორციელდება და სარეაბილიტაციო მონაკვეთის სიგრძე 579 მეტრია.

პროექტის მიხედვით მოეწყობა: ასფალტი ტრანსპორტის სავალ ნაწილზე, ტროტუარები, ეზოებში შესასვლელები, ბორდიურები.

„სამუშაოები „რეგიონებში განსახორციელებელი პროექტების ფონდისა“ და გორის მუნიციპალიტეტის მერიის თანადაფინანსებით ხორციელდება.

მუნიციპალიტეტმა აღნიშნული პროექტის განხორციელება ფონდის მიერ გაზრდილი დაფინანსების ფარგლებში შეძლო. ორგანიზაციამ დაფინანსების ზრდის გადაწყვეტილება წლის დასაწყისში დაფინანსებული პროექტების წარმატებით განხორციელების გათვალისწინებით მიიღო.

გარდა ლომონოსოვის ქუჩისა, გაზრდილი დაფინანსების ფარგლებში კიდევ ორი პროექტი ხორციელდება - ტყვიავის სასაფლაოსთან მისასვლელი გზისა (1 103 მეტრი) და ბროწლეთში (468 მეტრი) შიდა საუბნო გზის რეაბილიტაცია.

2023 წელს, ფონდის მიერ, გორის მუნიციპალიტეტში დაფინანსებული პროექტების ჯამური ღირებულება 9,4 მილიონამდე ლარია“, - ნათქვამია ინფორმაციაში.