გია ვოლსკი - ვარჰეი არის კომისარი გაფართოების საკითხებში და მისი განცხადება არ ემყარება მხოლოდ მის პირად შეხედულებას - ჩვენ გვჭირდება ევროპის თანადგომა, ევროპასაც სჭირდება საქართველო
ვარჰეი არის კომისარი გაფართოების საკითხებში და მისი განცხადება არ ემყარება მხოლოდ მის პირად შეხედულებას - ქვეყნებშია ასეთი განწყობა, რომ საქართველო იმსახურებს ევროკავშირთან უფრო მეტ დაახლოებას, - ამის შესახებ ჟურნალისტებთან პარლამენტის პირველმა ვიცე- სპიკერმა გია ვოლსკიმ განაცხადა.
ვოლსკის თქმით, ევროკავშირთან დაახლოების მიმართულებით კიდევ ერთი ნაბიჯი უნდა გადაიდგას, განსაკუთრებით როცა „ტურბულენტური სიტუაციაა" მსოფლიოში.
„ჩვენ გვჭირდება ევროპის თანადგომა. ევროპასაც, რასაკვირველია, საქართველო ჭირდება როგორც ძალიან მყარი, მნიშვნელოვანი პარტნიორი თავის გეოპოლიტიკური, თუნდაც გეოგრაფიული მდებარეობით",- განაცხადა ვოლსკიმ.
ინფორმაციისთვის, სამეზობლო და გაფართოების საკითხებში ევროკომისარმა ოლივერ ვარჰეიმ პრემიერ-მინისტრ ირაკლი ღარიბაშვილთან შეხვედრის შემდეგ ტვიტერზე დაწერა, რომ "საქართველო ეკუთვნის ევროკავშირის ოჯახს და ის მიიღებს ყველა მხარდაჭერას ევროკავშირის გზაზე".
v-if="article.gallery" v-html="article.gallery"
