„ნაციონალური მოძრაობის“ ინფორმაციით, სევდია უგრეხელიძე ევროპის საბჭოს ადგილობრივ და რეგიონულ თვითმმართველობათა კონგრესის ვიცე - პრეზიდენტად ადგილობრივი პალატიდან, მესამე ვადით აირჩიეს

„ერთიანი ნაციონალური მოძრაობის“ წევრი, სევდია უგრეხელიძე ევროპის საბჭოს ადგილობრივ და რეგიონულ თვითმმართველობათა კონგრესის ვიცე პრეზიდენტად ადგილობრივი პალატიდან, მესამე ვადით აირჩიეს. ამის შესახებ ინფორმაციას „ნაციონალური მოძრაობა” ავრცელებს.

როგორც „ნაციონალური მოძრაობის” მიერ გავრცელებულ ინფორმაციაშია აღნიშნული, სტრასბურგში, ევროპის საბჭოს თვითმმართველობათა და რეგიონული კონგრესის, რიგით 45-ე სესია იმართება, სადაც მონაწილეობას იღებენ - სევდია უგრეხელიძე, „ერთიანი ნაციონალური მოძრაობის“ წევრი და ევროპის საბჭოს ადგილობრივ თვითმმართველობათა კონგრესის ვიცე-პრეზიდენტი და „ერთიანი ნაციონალური მოძრაობის“ პოლიტსაბჭოს თავმჯდომარის მოადგილე თათია ნიკოლაშვილი.