ზუგდიდის მერიის ინფორმაციით, 32 ახალგაზრდას საზღვარგარეთ განათლების მიღებაში მხარდაჭერა გაუწიეს
ზუგდიდის მერიის ინფორმაციით, ქალაქის ბოტანიკურ ბაღში, მუნიციპალიტეტში მცხოვრები ბავშვებისა და ახალგაზრდების შესაძლებლობების განვითარების ხელშეწყობის კომისიის სხდომა გაიმართა.
მიღებული გადაწყვეტილებით, ქვეყნის ფარგლებს გარეთ სასწავლებლებში ჩარიცხული სტუდენტების ფინანსური მხარდაჭერის პროგრამით 7 ახალგაზრდა დაფინანსდა.
2023 წელს ჯამში აღნიშნული პროგრამით 32-მა ახალგაზრდამ ისარგებლა.
„ბავშვებისა და ახალგაზრდების შესაძლებლობების განვითარების ხელშეწყობის პროგრამით გათვალისწინებულია: ახალგაზრდების (სტუდენტების) ფინანსური ხელშეწყობა - მერის სტიპენდია; ქვეყნის ფარგლებს გარეთ სასწავლებლებში ჩარიცხული სტუდენტების ფინანსური მხარდაჭერა; არაფორმალური განათლებისა და პროფესიული შესაძლებლობების განვითარების ფინანსური ხელშეწყობა; საბუნებისმეტყველო, ტექნიკურ, ჰუმანიტარულ და ტექნოლოგიურ სფეროებში განსაკუთრებული შესაძლებლობების და მიღწევების მქონე ბავშვებისა და ახალგაზრდებისთვის ფულადი ჯილდოს გაცემა“, - ნათქვამია ინფორმაციაში.
