საგამოძიებო სამსახურში კომპანია MasterCard/Ciphertrace-ის რეგიონულ მენეჯერებთან სებასტიენ ვეილანტთან და დავით ზღუდაძესთან შეხვედრა გაიმართა.

ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს.

უწყების ცნობით, შეხვედრისას მხარეებმა ერთმანეთს საკუთარი საქმიანობის ძირითადი პრიორიტეტული მიმართულებები გააცნეს და ვირტუალური აქტივის გამოყენებით, ფულის გათეთრების გამოვლენასთან დაკავშირებული გამოწვევები, მის გადასაჭრელად საჭირო თანამედროვე მიდგომები და ტექნიკური შესაძლებლობები მიმოიხილეს.

„აგრეთვე, მხარეებმა სპეციალისტთა პრაქტიკული გადამზადების და ბლოკჩეინში განხორციელებული ციფრული ჩანაწერების ანალიტიკური პროგრამული უზრუნველყოფის დანერგვასთან დაკავშირებით ურთიერთთანამშრომლობის პერსპექტივები განიხილეს, რა მიმართულებითაც აქტიური კომუნიკაციის გაგრძელებაზე შეთანხმდნენ”,- აღნიშნულია ინფორმაციაში.