სლოვაკეთის ახალმა პრემიერ-მინისტრმა, რობერტ ფიცომ განაცხადა, რომ მისი მთავრობა უკრაინას სამხედრო დახმარებას შეუწყვეტს.

„მე მხარს დავუჭერ ნულოვან სამხედრო დახმარებას უკრაინისთვის. სამხედრო ოპერაციების დაუყოვნებელი შეწყვეტა არის საუკეთესო გამოსავალი უკრაინისთვის. ევროკავშირი იარაღის მიმწოდებლიდან მშვიდობისმყოფელად უნდა იქცეს“, - აღნიშნა სლოვაკეთის პრემიერმა.

მისი თქმით, რუსეთის წინააღმდეგ სანქციების დაწესებას მხარს არ დაუჭერს.

”მე მხარს არ დავუჭერ რუსეთის წინააღმდეგ რაიმე სანქციებს, თუ არ ვნახავთ სლოვაკეთზე მათი გავლენის ანალიზს. თუ იქნება ისეთი სანქციები, რომლებიც ზიანს მოგვაყენებს, რასაც სანქციების უმეტესობა აკეთებს, ვერ ვხედავ მათი მხარდაჭერის მიზეზს“, - აღნიშნა ფიცომ.