ჩვენ საკუთარი სტრატეგიით ვამაყობთ , - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

ბრიუსელში ევროკავშირის ლიდერების შეხვედრის წინ, ვიქტორ ორბანმა ჟურნალისტების შეკითხვას, აპირებდა თუ არა პუტინთან შეხვედრის გამო, ბოდიშის მოხდას, უარყოფითი პასუხი გასცა.

„ჩვენ ამ კუთხით ძალიან მკაფიო პოლიტიკა გვაქვს, რომელიც აქ მყოფი ბევრის სტრატეგიისგან განსხვავდება. თქვენ გაქვთ ომის სტრატეგია, ჩვენ კი მშვიდობის. ჩვენ გვინდა ყველაფერი გავაკეთოთ იმისთვის, რომ მშვიდობა იყოს. ამიტომ, ჩვენ მხარს ვუჭერთ რუსეთთან კომუნიკაციის ყველა არხს, სხვა შემთხვევაში მშვიდობის შანსი არ იქნება. ეს არის ჩვენი სტრატეგია და ჩვენ ამით ვამაყობთ. ერთადერთნი ვართ, ვინც მშვიდობის დასაცავად საუბრობს“, - განაცხადა ვიქტორ ორბანმა.

შეგახსენებთ, რომ გასულ კვირას უნგრეთის პრემიერ-მინისტრი, ვიქტორ ორბანი და რუსეთის პრეზიდენტი, ვლადიმერ პუტინი პეკინში ერთმანეთს შეხვდნენ.