ისრაელის მთავრობაში აცხადებენ, რომ დაღესტნის აეროპორტში მომხდარი ინციდენტის შედეგად, რომლის დროსაც ბრბო აეროპორტში შეიჭრა, რათა ისრაელიდან ჩაფრენილ ავიარეისზე ებრაელები ეპოვა, არავინ დაშავებულა.

საგარეო საქმეთა სამინისტრო აცხადებს, რომ პრობლემა რუსეთში ისრაელის ელჩმა, ალექსანდრე ბენ ზვიმ დიპლომატებთან, ეროვნული უშიშროების საბჭოს წარმომადგენლებთან და სხვა ჩინოვნიკებთან ერთად მოაგვარა.

თავის მხრივ, დაღესტნის ჯანდაცვის სამინისტროს განცხადებაში აღნიშნულია, რომ აეროპორტში ბრბოს იერიშის შედეგად სულ მცირე 10 ადამიანი დაშავდა. სამინისტროს ცნობით, დაშავებულებს შორის არიან როგორც სამართალდამცავები, ასევე მშვიდობიანი მოქალაქეები. ორი ადამიანი კრიტიკულ მდგომარეობაშია.