„საქართველოს ფოსტის“ გენერალურმა დირექტორმა „მსოფლიო საფოსტო კავშირის“ (Universal Postal Union”) თავმჯდომარის მოადგილეს უმასპინძლა. ინფორმაციას „საქართველოს ფოსტა“ ავრცელებს.

მათივე ცნობით, მარიან ოსვალდი საქართველოს სამუშაო ვიზიტით ეწვია. „მსოფლიო საფოსტო კავშირის“ თავმჯდომარის მოადგილემ „Silk Road Forum”-ის ფარგლებში, სხვადასხვა უწყებების ხელმძღვანელ პირებთან შეხვედრები გამართა.

„საქართველოს ფოსტის“ გენერალურ დირექტორთან ლევან ჩიკვაიძესთან შეხვედრისას, საუბარი საფოსტო დარგში არსებულ გამოწვევებსა და სამომავლო გეგმებზე გაიმართა.

აღსანიშნავია, რომ „მსოფლიო საფოსტო კავშირი“ 192 ქვეყნის საფოსტო ოპერატორს აერთიანებს და ქვეყნებს შორის, მჭიდრო თანამშრომლობასა და საფოსტო დარგის სტრატეგიის განხორციელებას უზრუნველყოფს.