ირინე ჯავახაძე - მიმდინარე წელს 62 აფთიაქში უკანონო ფარმაცევტული საქმიანობის 258 ფაქტი გამოვლინდა, 12 ფარმაცევტს კი საქმიანობის უფლება 3 წლით შეუჩერდა
მიმდინარე წელს, 62 აფთიაქში უკანონო ფარმაცევტული საქმიანობის 258 ფაქტი გამოვლინდა, შედეგად 12 ფარმაცევტს საქმიანობის უფლება 3 წლით შეუჩერდა. ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს პოლიტიკის დეპარტამენტის უფროსის მოადგილე ირინე ჯავახაძემ ჯანდაცვის კომიტეტზე განაცხადა.
მისივე თქმით, აღნიშნული უკანონო ფარმაცევტული საქმიანობები დარღვევის სიმძიმის მიხედვით, 6 ათასიდან 16 ათას ლარამდე ჯარიმას ითვალისწინებს.
„სააგენტოს ინსპექტორების მიერ, მიმდინარე წელს, 62 აფთიაქში უკანონო ფარმაცევტული საქმიანობის 258 ფაქტი გამოვლინდა. ინსპექტირების შედეგად, დადგინდა, რომ ფარმაცევტული დაწესებულებები უნებართვოდ და ურეცეპტოდ ახდენდნენ ფსიქოტროპული მედიკამენტების რეალიზაციას.
დარღვევებთან დაკავშირებით შედგა ადმინისტრაციული სამართლებრივი ოქმები და გადაეგზავნა სასამართლოს. გარდა ამისა, სამედიცინო და ფარმაცევტული საქმიანობის რეგულირების სააგენტომ, თოთხმეტი ავტორიზებული აფთიაქიდან რვას ნებართვა გაუუქმა, 12 ფარმაცევტს კი საქმიანობის უფლება 3 წლით შეუჩერა. აღნიშნული უკანონო ფარმაცევტული საქმიანობები დარღვევის სიმძიმის მიხედვით, 6 ათასიდან 16 ათას ლარამდე ჯარიმას ითვალისწინებს“,- აღნიშნა ირინე ჯავახაძემ.
v-if="article.gallery" v-html="article.gallery"
