ჩვენ ისრაელის თავდაცვის ძალების მეთაურს სრულ ნდობას ვუცხადებთ, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

„უნდა ვთქვა, რომ ჩვენ სრულ ნდობას ვუცხადებთ ისრაელის თავდაცვის ძალების მეთაურის მიდგომასა და ხელმძღვანელობას“, - განაცხადა ნეთანიაჰუმ.

ნეთანიაჰუმ აღნიშნა, რომ ახლა ყველაზე მნიშვნელოვანი ძალების გაერთიანებაა და განაცხადა, რომ „ერი ახლა ისეა გაერთიანებული, როგორც არასდროს ყოფილა“.

შეგახსენებთ, რომ გუშინ ნეთანიაჰუმ ბოდიში მოიხადა, იმ განცხადებისთვის, რომელშიც იგი, ისრაელის უშიშროების სამსახურების ხელმძღვანელობას ადანაშაულებდა იმაში, რომ ისრაელზე „ჰამასის“ 7 ოქტომბრის თავდასხმა ვერ აღკვეთეს.