ბენიამინ ნეთანიაჰუ - ისრაელისთვის მოწოდება ცეცხლის შეწყვეტის შესახებ არის მოწოდება, რომ „ჰამასს“ დანებდეს, დანებდეს ტერორიზმს, დანებდეს ბარბაროსობას - ეს არ მოხდება

მოწოდება ცეცხლის შეწყვეტის შესახებ არის მოწოდება ისრაელისთვის, რომ „ჰამასს“ დანებდეს, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

„ისრაელი არ დათანხმდება საომარი მოქმედებების შეწყვეტას 7 ოქტომბრის საშინელი თავდასხმების შემდეგ. მოწოდება ცეცხლის შეწყვეტის შესახებ არის მოწოდება ისრაელისთვის, რომ „ჰამასს“ დანებდეს, დანებდეს ტერორიზმს, დანებდეს ბარბაროსობას. ეს არ მოხდება“, - განუცხადა ნეთანიაჰუმ უცხოური მედიის წარმომადგენლებს.

ნეთანიაჰუმ აღნიშნა, რომ მეორე მსოფლიო ომის დროს პერლ-ჰარბორზე თავდასხმის შემდეგ, აშშ-ს ცეცხლის შეწყვეტაზე დათანხმებას არავინ მოუწოდებდა.