“საქართველოს გაზის ტრანსპორტირების კომპანია” ვლადიკავკაზ-თბილისის მ/გ-ზე სარემონტო სამუშაოებს განახორციელებს, რის გამოც 2 ნოემბერს, 06:00დან 18:00 საათამდე ბუნებრივი აირის მიწოდება შეუწყდებათ გუდაურის გაზგამანაწილებელი სადგურის მომხმარებლებს. ინფორმაციას “საქართველოს გაზის ტრანსპორტირების კომპანია” ავრცელებს.

„გაცნობებთ, რომ შპს “საქართველოს გაზის ტრანსპორტირების კომპანია” ვლადიკავკაზ-თბილისის D700მმ მაგისტრალური გაზსადენის 98.00 კილომეტრზე სარემონტო სამუშაოებს განახორციელებს. აღნიშნული ვითარების გათვალისწინებით, მ/წ 2 ნოემბერს, 06:00დან 18:00 საათამდე ბუნებრივი გაზის მიწოდება შეუწყდებათ გუდაურის გაზგამანაწილებელი სადგურის მომხმარებლებს. კერძოდ, ბუნებრივი გაზი ხსენებულ პერიოდში არ მიეწოდება სამთო-სათხილამურო კურორტ გუდაურსა და ყაზბეგის მუნიციპალიტეტის სოფელ ქუმლისციხეს. ასევე, დუშეთის მუნიციპალიტეტის შემდეგ სოფლებს: სეთურები, ზაქათკარი, კაიშაურნი, ჯაღმიანი.

ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.

შპს “საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - აღნიშნულია ინფორმაციაში.