სლოვაკეთის ახალმა მთავრობამ უნგრეთთან საზღვარზე, ქვეყანაში მიგრაციის ზრდის თავიდან ასაცილებლად, ასობით პოლიციელი გაგზავნა, - ინფორმაციას მედიასაშუალებები სლოვაკეთის შინაგან საქმეთა მინისტრზე, მატუს შუტაი-ესტოკზე დაყრდნობით ავრცელებენ.

მინისტრის თქმით, საზღვარზე პოლიციის გარდა, სამხედროებიც პატრულირებენ.

სლოვაკეთის ახალმა პრემიერ-მინისტრმა, რობერტ ფიცომ უნგრეთთან სასაზღვრო გადასასვლელი მოინახულა და განაცხადა, რომ მთავრობა ძალიან შეშფოთებულია ლტოლვილებთან დაკავშირებული მდგომარეობის გაუარესებით.

„თუ უკანონო მიგრაციას არ გავაკონტროლებთ, მაშინ აქ, შესაძლოა, ტერორისტულ სტრუქტურებთან დაკავშირებულმა საშიშმა პირებმა შემოაღწიონ. ამ საშიშ პირებს შეუძლიათ უზარმაზარი პრობლემები შეგვიქმნან. ის, რაც ღაზას სექტორში ხდება, სლოვაკეთის უსაფრთხოების სფეროში გიგანტურ რისკებს ქმნის“, - აღნიშნა ფიცომ.