ღაზას სექტორში 7 ოქტომბერს „ჰამასის“ მიერ გატაცებული მინიმუმ 240 მძევალი იმყოფება, - ამის შესახებ ისრაელის თავდაცვის ძალების პრესსპიკერმა, დანიელ ჰაგარიმ განაცხადა.

მისი თქმით, მძევლების ოჯახებს შესაბამისი ინფორმაცია უკვე მიაწოდეს.

ამასთან, თავდაცვის ძალების პრესსპიკერის განმარტებით, ეს მონაცემი საბოლოო არ არის, რადგან ინფორმაციის მოძიება კვლავ გრძელდება.

შეგახსენებთ, „ჰამასმა“ დღემდე 5 მძევალი გაათავისუფლა - ამერიკელი დედა-შვილი, ორი ხანდაზმული ქალი და ერთი სამხედრო მოსამსახურე.

კიდევ ათობით ადამიანი უგზო-უკვლოდ დაკარგულია და მათი ბედი ამ დროისთვის უცნობია.