ისრაელის თავდაცვის მინისტრი - ბრძოლის ველზე შედეგები და მიღწევები ძალიან დიდია, მაგრამ ბოლო დღეებში ძალიან მძიმე ფასის გადახდა მოგვიწია

ისრაელის თავდაცვის ძალებს მნიშვნელოვანი მიღწევები აქვს ღაზაში, მაგრამ მძიმე ფასსაც ვიხდით. ამის შესახებ ისრაელის თავდაცვის მინისტრმა იოავ გალანტმა სამხედრო მოსამსახურეებთან საუბარში განაცხადა.

“დიდი მასშტაბით ვაგზავნით ძალებს, ღრმად [ღაზას] სექტორში… ბრძოლებია ძალების წინააღმდეგ, რომლებიც [ღაზაში] ოპერირებენ, და ბრძოლის ველზე შედეგები და მიღწევები ძალიან დიდია.

სამწუხაროდ, ომში ასევე ფასებიცაა…და ბოლო დღეებში ძალიან მძიმე ფასის გადახდა მოგვიწია. ამის მიუხედავად, ჩვენ გადაწყვეტილი გვაქვს გავაგრძელოთ და გავიმარჯვოთ”, - განაცხადა გალანტმა.

მან აღნიშნა, რომ დღეს ღაზას სექტორში ბრძოლების შედეგად ისრაელის თავდაცვის ძალების ორი ჯარისკაცი გარდაიცვალა, კიდევ ორი მძიმედ არის დაჭრილი, ხოლო “დიდი რაოდენობით” ტერორისტი იქნა მოკლული.