ღაზაში ისრაელის 9 ჯარისკაცი დაიღუპა
ისრაელის თავდაცვის ძალებში აცხადებენ, რომ ღაზას სექტორში, „ჰამასის“ წინააღმდეგ ბრძოლაში 9 ჯარისკაცი დაიღუპა.
თავდაცვის ძალების ცნობით, გარდა ამისა, გუშინ ღაზაში ორი ქვეითი ჯარისკაცი მძიმედ დაიჭრა.
შეგახსენებთ, ისრაელმა შაბათს განაცხადა, რომ „ჰამასის“ წინააღმდეგ ომის მეორე ეტაპზე გადავიდა, კვირას კი განმარტა, რომ ღაზაში სახმელეთო ოპერაციას გააძლიერებენ. გუშინ ცნობილი გახდა, რომ ისრაელმა ღაზას სექტორში დამატებითი სახმელეთო ძალები გაგზავნა.
