ისრაელის თავდაცვის ძალები - ომის დაწყებიდან დღემდე, ღაზაში 11 000 სამიზნეს დავარტყით

ომის დაწყებიდან დღემდე, ღაზაში 11 000 სამიზნეს დავარტყით, - ამის შესახებ ინფორმაციას ისრაელის თავდაცვის ძალები ავრცელებს.

ისრაელის თავდაცვის ძალები აცხადებს, რომ ომის დაწყებიდან დღემდე, ისრაელის სამხედროებმა „ჰამასის“ და სხვა ტერორისტული დაჯგუფებების 11 000 სამიზნე ობიექტზე მიიტანეს იერიში.

თავდაცვის ძალების ცნობით, ღაზას სექტორში სახმელეთო ოპერაციები გუშინ ღამით გაგრძელდა და სამხედროებმა „ჰამასის“ ათობით სამიზნე გაანადგურეს.

ღამით, ისრაელის საჰაერო ძალებმა დარტყმები „ჰამასის“ სარდლობის ცენტრებსა და სხვა ტერორისტულ ობიექტებზე განახორციელა.