ღაზაში ისრაელის თავდაცვის ძალების მებრძოლების დაღუპვა მძიმე და მტკივნეული დარტყმაა, - ამის შესახებ ისრაელის თავდაცვის მინისტრი, იოავ გალანტი აცხადებს.

მისი განცხადებით, „ღაზას სექტორის სიღრმეში მიმდინარე მძიმე ბრძოლებში მნიშვნელოვანი წინსვლის მიღწევა, სამწუხაროდ, მძიმე საფასურის გაღებას მოითხოვს“.

„ღაზაში, „ჰამასის“ ტერორისტების წინააღმდეგ ბრძოლებში ისრაელის თავდაცვის ძალების მებრძოლების დაღუპვა მძიმე და მტკივნეული დარტყმაა. ჩვენი ფიქრები მათ ძვირფას ოჯახებთანაა“, - განაცხადა გალანტმა.

ცნობისთვის, ომის დაწყებიდან დღემდე, ღაზაში ისრაელის 11 სამხედრო დაიღუპა.