88 დაშავებული და 500-მდე უცხოელი დღეს ღაზას დატოვებას შეძლებს, - ამის შესახებ ინფორმაციას BBC-ი ავრცელებს.

BBC-ის ცნობით, ამ წუთებში რაფაჰის გადასასვლელთან ასობით ადამიანია შეკრებილი და ელოდება იმას, თუ როდის მისცემთ მათ ეგვიპტე უფლებას, რომ საზღვარი გადაკვეთონ.

გავრცელებული ინფორმაციით, ეგვიპტე საველე ჰოსპიტალს საზღვრიდან 10 კილომეტრში აშენებს.

შეგახსენებთ, დღეს, ეგვიპტეს, ისრაელსა და „ჰამასს“ შორის შეთანხმება შედგა, რომლის მიხედვითაც დაშავებულებსა და უცხოური პასპორტის მფლობელებს ღაზას დატოვების უფლება მიეცათ.