საფრანგეთის პრეზიდენტი, ემანუელ მაკრონი ყაზახეთში ჩავიდა და ყაზახეთის პრეზიდენტ, ყასიმ-ჟომართ თოყაევს შეხვდა. ამის შესახებ ინფორმაციას სააგენტო Reuters-ი ავრცელებს.

მაკრონის ვიზიტი ცენტრალურ აზიაში მისი მოგზაურობის პირველი ეტაპის ნაწილს წარმოადგენს.

ყაზახეთის პრეზიდენტთან შეხვედრაზე მაკრონმა აღნიშნა, რომ ორმა სახელმწიფომ იშვიათი ლითონებით ვაჭრობასთან დაკავშირებით ბიზნეს შეთანხმებებს მოაწერეს ხელი.

მაკრონმა ყაზახეთი შეაქო, რადგან უკრაინის წინააღმდეგ ომში ქვეყანამ რუსეთის მიმართ მხარდაჭერა არ გამოხატა.

„საფრანგეთი აფასებს იმ გზას, რომელსაც თქვენი ქვეყნისთვის გადიხართ, უარს ამბობთ, რომ რომელიმე ძალას დაემორჩილოთ და სხვადასხვა ქვეყნებთან მრავალმხრივი და დაბალანსებული ურთიერთობების დამყარებას ცდილობთ“, - განუცხადა მაკრონმა თოყაევს.