ღაზის სექტორიდან ეგვიპტეში უცხოეთის მინიმუმ 361 მოქალაქე გადავიდა. ამის შესახებ ინფორმაციას CNN-ი ეგვიპტელ მაღალჩინოსანზე დაყრდნობით ავრცელებს.

წყაროს ინფორმაციით, აღნიშნული პირებისგან 76 კაიროში მიემგზავრება, ხოლო დანარჩენები რაფაჰის სასაზღვრო პუნქტზე იმყოფებიან, სადაც საჭირო დოკუმენტაციას ავსებენ.

მან ასევე აღნიშნა, რომ უცხოეთის 491 მოქალაქე იყო დარეგისტრირებული, რომლებიც დღეს ღაზის სექტორიდან ეგვიპტეში უნდა გადასულიყვნენ, მაგრამ დანარჩენი 130 პირი ან სასაზღვრო პუნქტამდე ვერ მივიდა ან საზღვრის გადაკვეთაზე უარი განაცხადა ოჯახის წევრების გარეშე, რომლებიც სიაში არ იყვნენ.

წყაროს თქმით, რაფაჰის სასაზღვრო პუნქტი ღია რჩება და უცხოეთის მოქალაქეები ეგვიპტეში გადასვლას გააგრძელებენ.

76 უცხოელიდან, რომლებიც კაიროში მიემგზავრებიან 29 ავსტრიის მოქალაქეა, 13 - იაპონიის, 12 - ავსტრალიის, 12 - იორდანიის, 5 - საუდის არაბეთის, 4 - იტალიის, 1 - დიდი ბრიტანეთის.