პაკისტან-ავღანეთის საზღვარზე ათასობით ავღანელია შეკრებილი, - ამის შესახებ ინფორმაციას სააგენტო AFP-ი ავრცელებს.

ისლამაბადმა ავღანელებს პაკისტანის დატოვებისთვის დრო პირველ ნოემბრამდე მისცა. ბოლო რამდენიმე დღეა კი პაკისტანის ჩრდილო-დასავლეთის სასაზღვრო გადასასვლელთან ათასობით ავღანელია შეკრებილი და ავღანეთში გადასვლას ცდილობს.

მედიის ინფორმაციით, პაკისტანი 165,000-ზე მეტმა ავღანელმა უკვე დატოვა, მას შემდეგ რაც, ოფიციალურმა ისლამაბადმა პაკისტანში მყოფ ავღანელებს ულტიმატუმის სახით განუცხადა, რომ თუ პაკისტანს არ დატოვებდნენ მაშინ პატიმრობა და დეპორტაცია ემუქრებოდათ.

პაკისტანის ხელისუფლების ცნობით, ავღანელთა დეპორტაცია ქვეყნის უსაფრთხოებისა და კეთილდღეობის დასაცავად ხორციელდება. მთავრობამ განაცხადა, რომ პაკისტანში მცხოვრები 4 მილიონზე მეტი ავღანელიდან, 1,7 მილიონი დოკუმენტაციის გარეშეა.