საპატრიარქოში სინოდის სხდომა მიმდინარეობს
საქართველოს საპატრიარქოში სინოდის სხდომა მიმდინარეობს. სხდომა, დაახლოებით, 13:30 საათზე დაიწყო.
საპატრიარქოში შესვლამდე ეპისკოპოსებს არ დაუკონკრეტებიათ, რა საკითხებზე იმსჯელებენ. მათი განმარტებით, განსახილველი საკითხების შესახებ წინასწარ არასდროს აქვთ ინფორმაცია.
საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე კითხვაზე, აქვს თუ არა მოლოდინი იმისა, რომ პატრიარქმა შესაძლოა მისი გადადგომის საკითხი დააყენოს, პასუხობს, რომ არაფერს ელოდება.
“[პატრიარქი] ტყუილად ხომ არ მოიწვევდა სხდომას? ყოველი სინოდის და დღესასწაულის წინ, მუდმივად ხომ არ შეიძლება ვისაუბროთ, პატრიარქი გადადგება, თუ პატრიარქი ავად არის. დაველოდოთ, იქნებ, არის საკითხები, რომლებიც არანაკლებ მნიშვნელოვანია, ვიდრე ჭორებს აყოლილი ინტრიგა. უსაფუძვლო ვარაუდები, რომელიც პირველად არ ხდება, მეორდება ერთი და იგივე ხალხისგან. გამოვედი იმისთვის, რომ გითხრათ, სხდომა დაიწყო”, - განაცხადა მამა ანდრია ჯაღმაიძემ.
მისი თქმით, ზოგიერთი მღვდელმთავარი სხდომას არ ესწრება იმ მიზეზით, რომ ქვეყანაში არ იმყოფებიან.
v-if="article.gallery" v-html="article.gallery"
