უკრაინის საგარეო საქმეთა მინისტრი, დმიტრო კულება ევროკავშირს მოუწოდებს, იპოვონ ბალანსი ევროკავშირის რეფორმირების პროცესსა და გაფართოებას შორის, რათა ევროკავშირის რეფორმამ ახალი წევრების მიღება არ შეაფერხოს.

„ევროკავშირის რეფორმამ გაფართოების პროცესი მძევლად არ უნდა აიყვანოს. ჩვენ უნდა ვიპოვოთ სწორი ბალანსი ევროკავშირის რეფორმირების პროცესსა და გაფართოებას შორის. არ მგონია, რომ ევროკავშირს შეუძლია, თავს რეფორმის გაჭიანურების უფლება მისცეს“, - აღნიშნა უკრაინის საგარეო უწყების ხელმძღვანელმა.

მინისტრმა განმარტა, რომ უკრაინას შეუძლია რეფორმების გატარება გაწევრიანების კრიტერიუმების დასაკმაყოფილებლად უფრო სწრაფად, ვიდრე ევროკავშირი შიდა რეფორმებს განახორციელებს.

„მთავარი ისაა, რომ გაფართოება უნდა ეფუძნებოდეს დამსახურებას, პატივი სცეს თითოეული კონკრეტული ქვეყნის ტემპს და დინამიკას და გაწევრიანება არ უნდა გადაიდოს რეფორმის გამო“, - აღნიშნა დმიტრო კულებამ.