ხობის მუნიციპალიტეტის სოფელ შუა ქვალონში საცხოვრებელი სახლი დაიწვა. შემთხვევის შედეგად არავინ დაშავებულა.

ადგილობრივების ინფორმაციით, ცეცხლის გაჩენის დროს სახლში დედა 3 მცირეწლოვან შვილთან ერთად იმყოფებოდა, თუმცა მათი უვნებლად გამოყვანა მოხერხდა.

ადგილზე რამდენიმე სახანძრო-სამაშველო ბრიგადა მუშაობდა.

ხანძრის გამომწვევი მიზეზი ჯერჯერობით უცნობია და მას გამოძიება დაადგენს.