სასამართლო „ავერსის" კლინიკიდან გაქცეული 3 პატიმრისთვის სასჯელის განსაზღვრაზე მსჯელობს. პროცესი თბილისის საქალაქო სასამართლოში მიმდინარეობს. სხდომას სამიდან ორი დაკავებული ესწრება.

სამივე მსჯავრდებულს ბრალდება საქართველოს სისხლის სამართლის კოდექსის 379-ე მუხლის მესამე ნაწილის ა ქვეპუნქტით გათვალისწინებული დანაშაულის შესაძლო ჩადენისათვის წარედგინა, რაც გადაყვანის ადგილიდან მსჯავრდებულთა ჯგუფურად გაქცევას გულისხმობს.

ცნობისთვის, „ავერსის“ კლინიკიდან 3 პატიმარი 1-ელ ნოემბერს გაიქცა. ისინი მეორე დღესვე დააკავეს. მსჯავრდებულების გაქცევის საქმეზე დაკავებულია ასევე, საბადრაგო ჯგუფის უფროსი, ბადრაგი და შეუტყობინებლობის ბრალდებით ერთ-ერთი პატიმრის ძმა. საბადრაგო ჯგუფის უფროსს აღკვეთის ღონისძიების სახით პატიმრობა უკვე შეეფარდა.