საფრანგეთი ლიბანის არმიას ჯავშანმანქანებს გადასცემს

საფრანგეთი ლიბანს ჯავშანმანქანებს გადასცემს, - ამის შესახებ საფრანგეთის თავდაცვის მინისტრმა, სებასტიან ლეკორნუმ განაცხადა.

„ჩვენ გავაგრძელებთ ლიბანის არმიის სამხედრო აღჭურვილობით გაძლიერებას, მათ შორის ჯარების ტრანსპორტირებისთვის განკუთვნილი ჯავშანტექნიკით, რაც მნიშვნელოვანია პატრულირების გასაგრძელებლად“, - განაცხადა ლეკორნუმ.

ლეკორნუს ცნობით, ისრაელსა და „ჰეზბოლას“ შორის გაზრდილი დაძაბულობის ფონზე, ლიბანის ეროვნული არმიის გაძლიერება სასიცოცხლოდ მნიშვნელოვანია.

„ამჟამინდელი სირთულეების მიუხედავად, ლიბანის არმიის მიმართ ჩვენი მხარდაჭერა გრძელვადიანია“, - აღნიშნა საფრანგეთის თავდაცვის მინისტრმა.