გაერო-ში საფრანგეთის ელჩი - ღაზაში საჭიროა ჰუმანიტარული ზავი

გაერო-ში საფრანგეთის ელჩი, ნიკოლას დე რივიერა ღაზაში „ჰუმანიტარული ზავის“ მიღწევის აუცილებლობაზე საუბრობს.

უშიშროების საბჭოს დახურული შეხვედრის შემდეგ, ელჩმა განაცხადა, რომ ასეთი ზავი უნდა იყოს გრძელვადიანი და მხარეები ცეცხლის შეწყვეტამდე მიიყვანოს.

დე რივიერას თქმით, საფრანგეთი ხუთშაბათს პარიზში უმასპინძლებს კონფერენციას, რომელზედაც ღაზასთვის დამატებითი ჰუმანიტარული დახმარების მიწოდების საკითხი განიხილება.

შეგახსენებთ, აშშ და გაერთიანებული სამეფო აცხადებენ, რომ ამ ეტაპზე ცეცხლის შეწყვეტა „ჰამასს“ მოუტანს სარგებელს.